Օդից վերցված են. Ռուստամյանը` ՀՅԴ-ում փոխվարչապետի պաշտոնի համար կռվի լուրերի մասին

ԱԺ ՀՅԴ խմբակցության ղեկավար Արմեն Ռուստամյանն «օդից վերցված» որակեց մամուլում հայտնված այն տեղելութոյւնները, թե փոխվարչապետի պաշտոնի համար Դավիթ Լոքյանի ու Աղվան Վարդանյանի միջև բուռն վեճ կա:

«Բացարձակապես իրականությանը չհամապատասխանող լուր է, ինչպես հաճախ պատահում է»,- խորհրդարանում լրագրողների հետ զրույցում ասաց Ռուստամյանը:

Նա հերքեց նաև այն տեղեկությունները, թե ԿԳ նախարարի պաշտոնում Լևոն Մկրտչյանը չի շարունակելու պաշտոնավարել։ 

«Բացարձակապես նման քննարկումներ դեռ տեղի չեն ունենում Դաշնակցություն կուսակցությունում։ Այդ քննարկումները կլինեն ապրիլից հետո»,- հայտարարեց Ռուստամյանն՝ ընդգծելով, որ փոխվարչապետի պաշտոնում Դաշնակցության թեկնածուի շուրջ քննարկումները ևս կսկսվեն ապրիլից հետո։