Էրդողանի ամառանոցի կառուցման համար հատվել է ավելի քան 40.000 ծառ

Թուրքիայի Գյոքովա նահանգի Մարմարիս շրջանի բնակչությունը դժգոհ է, որ նախագահ Ռեջեփ Թայիփ Էրդողանի ու նրա ընտանիքի համար կառուցվող ամառային նոր առանձնատան շինարարության ժամանակ հատվել է ավելի քան 40.000 ծառ. տեղեկացնում է Ermenihaber-ը:

Ըստ թուրքական «Habersol» լրատվամիջոցի՝  բնակիչները փորձել են բողոքի ցույց  կազմակերպել, սակայն տեղի անվտանգության աշխատակիցները խոչընդոտել են նրանց։

Թուրքական աղբյուրը հաղորդում է, որ կառուցվելիք առանձնատունը կարող է ընդունել մոտ 300 մարդու: Ընդ որում` նշյալ տարածքում նախկինում արգելված են եղել շինարարական աշխատանքները։

Հայտնի է, որ այդ նույն շրջանում  կառուցվելու է նաև կառամատույց՝  Էրդողանի 2` լյուքս դասի զբոսանավերի համար։