Ստրանջա-2018. Հայաստանի 5 ներկայացուցիչ քառորդ եզրափակչում է

Բուլղարիայի մայրաքաղաք Սոֆիայում շարունակվում է բռնցքամարտի Ստրանջայի հեղինակավոր մրցաշարը: Մրցումային 3-րդ օրը Հայաստանի ներկայացուցիչներից 69 կգ քաշային Գուրգեն Մադոյանը հաղթեց բուլղարացի մարզիկին, 60 կգ քաշային Հրայր Շահվերդյանը առավելության հասավ ադրբեջանցու նկատմամբ, իսկ 75 կգ քաշային Համբարձում Հակոբյանը պարտվեց Բրազիլիայի ներկայացուցչին:

Երեկ հաղթանակ էր տոնել գերծանր քաշային Գուրգեն Հովհաննիսյանը, իսկ 56 կգ քաշային Ժիրայր Սարգսյանը պարտություն էր կրել:

Այսպիսով, Հայաստանի 5 ներկայացուցիչ քառորդ եզրափակչում է: Վաղն իր առաջին մենամարտը կանցկացնի 49 կգ քաշային Արթուր Հովհաննիսյանը, որը հաղթանակի դեպքում կապահովվի առնվազն բրոնզե մեդալ: