Արամ Ա-ն ընդունել է Հայաստանի Առաջին Հանրապետության 100-ամյակի լիբանանյան հանձնախմբին

Երեկ Ն.Ս.Օ.Տ.Տ. Արամ Ա կաթողիկոսն ընդունել է Հայաստանի Առաջին Հանրապետության 100-ամյակի լիբանանյան հանձնախմբին, որի մաս են կազմում երեք համայնքների, կուսակցությունների և բարեսիրական միությունների ներկայացուցիչներ:

Հանձնախումբը Նորին սրբությանն է ներկայացրել առաջիկայում կայանալիք միջոցառումների ընդհանուր ծրագիրը, որի շրջանակներում մարտի 21-ին Անթիլիասի Մայրավանքում կկայանա Առաջին Հանրապետության 100-ամյակին նվիրված հուշակոթողի բացման արարողությունը:

Վեհափառ հայրապետը գնահատանքով ողջունել է միջոցառումների ծրագիրը՝ շեշտելով, որ այս առիթը համահայկական է, և թե' Հայաստանում, թե' Սփյուռքում հայ ժողովրդի բոլոր զավակները պետք է արժևորեն ժամանակակից պատմության այս կարևոր իրադարձությունը: