Կործանված ինքնաթիռի երկրորդ օդաչուն Սերգեյ Գամբորյանն էր

Մերձմոսկվայի մարզում այսօր կործանված ինքնաթիռի ուղևորներն ու անձնակազմը մահացել են: Այսօր Մերձմոսկվայի մարզի Ստեպանովսկոյե գյուղի մոտ ընկել է Սարատովի ավիաընկերությանը պատկանող Ан-148 ուղևորատար ինքնաթիռը, որը իրականացնում էր Մոսկվա-Օրենբուրգ չվերթը և որում 71 մարդ է գտնվել: Газете.Ру-ն հաղորդում է, որ կործանված ինքնաթիռի օդաչուներից մեկը հաղորդել է ավիամասնագետներին տեխնիկական խոտանի մասին: Ինքնաթիռը պետք է վթարային վայրէջք կատարեր «Ժուկովսկի» օդանավակայանում: Ռուսաստանի ԱԻՆ-ից հայտնել են, որ ինքնաթիռի անձնակազմը ղեկավարել է փորձառու օդաչու: Ի դեպ, այս ավիավթարը հիշյալ ընկերության առաջին ավիավթարն է:

Արդեն հայտնի են ինքնաթիռի անձնակազմի անունները: Զոհվածների թվում են Վալերի Գուբանովը, Սերգեյ Գամբորյանը, Անաստասիա Սլավինսկայան, Վիկտորիա Կովալը, Օլեգ Սերգեևը, Անդրեյ Ռյաբինինը:

Վերջին տվյալներով, ինքնաթիռի կործանման վայրում գտել են 50 մարդկանց մարմինները: Զոհվածների ընդհանուր թիվը 71 է: 60 ուղևորները Օրենբուրգի մարզի բնակիչներ են եղել:

Նախնական վարկածի համաձայն, ինքնաթիռի կործանման պատճառը շարժիչի անսարքությունն է եղել, որին հետևել է շարժիչի պայթյունը: