Թուրք նախարարին նկատողություն արած ռոբոտին ստիպել են ներողություն խնդրել

Երեկ Անվտանգ ինտերնետի համաշխարհային օրվա առթիվ Անկարայի գիտատեխնկական կենտրոնում տեղի ունեցած միջոցառման ժամանակ Թուրքիայում վաճառքի հանված՝ չինական արտադրության Sanbot ռոբոտը նկատողություն էր արել երկրի տրանսպորտի, կապի և ծովագնացության նախարար Ահմեթ Արսլանին:  «Դանդաղ խոսիր, ի՞նչ ես ասում, չեմ հասկանում»,- ասել էր ռոբոտը։

Ըստ Hurriyet-ի՝ ռոբոտին ստիպել են ներողություն խնդրել նախարարից՝ նրա խոսքն ընդհատելու համար:

«Սխալմամբ արեցի, կներեք»,- ասել է ռոբոտը:

Հիշեցնենք, որ թուրք նախարարը վատ էր զգացել ռոբոտի նկատողությունից և  կոչ արել համապատասխան մասնագետներին՝ զբաղվել ռոբոտի վերահսկմամբ։ Մասնագետներն անմիջապես անջատել էին ռոբոտի բարձրախոսը: