Մխիթարյանը լավ ձեռքբերում է մեզ համար. Արսեն Վենգեր

Լոնդոնի «Արսենալի» գլխավոր մարզիչ Արսեն Վենգերը մեկնաբանել է Հայաստանի հավաքականի ավագ Հենրիխ Մխիթարյանի տեղափոխությունը  «Մանչեսթեր Յունայթեդից» լոնդոնյան ակումբ:

«Հենրիխը լիարժեք ֆուտբոլիստ է: Նա պահեր է ստեղծում, լավ պաշտպանվում, կարողանում է տարածություններ հաղթահարել և շատ նվիրյալ  է: Կարող եմ ասել, որ նա ունի անհրաժեշտ բոլոր որակները: Մենք շատ լավ ֆուտբոլիստին փոխարինել ենք շատ լավ ֆուտբոլիստով: Երկուսն էլ համաշխարհային մակարդակի խաղացողներ են: Մխիթարյանը կարող է խաղալ եզրում կամ կիսապաշտպանության կենտրոնում: Նա կարող է փակել մի քանի դիրքեր: Մխիթարյանը լավ ձեռքբերում է»,-ասել է Վենգերը:

Հիշեցնենք, որ րոպեներ առաջ լոնդոնյան ակումբը պաշտոնապես հայտարարեց հայ ֆուտբոլիստի հետ պայմանագիր ստորագրելու մասին: