Քննարկման լրացուցիչ օր խնդրելը` վարչապետի դժգոհության պատճառ

Այսօր կառավարության նիստում վարչապետ Կարեն Կարապետյանը դժգոհեց այն փաստից, որ գործադիրի անդամները լրացուցիչ օրեր են պահանջում նախագծերի լրացուցիչ քննարկման համար: Այս անգամ լրացուցիչ օր էր խնդրում կառավարության աշխատակազմի ղեկավար Վահե Ստեփանյանը:

«Դարձյալ սկսո՞ւմ ենք նույն պատմությունը: Պարբերաբար չի կարելի, չէ՞, դա անել»,- դժգոհեց վարչապետը:

Քննարկման համար լրացուցիչ օր խնդրեց նաև ԿԳ նախարար Լևոն Մկրտչյանը:

«Բոլոր դիտողությունները հնարավոր չէ՞ մինչև կառավարության նիստն անել»,- հարցրեց վարչապետը:

2 օր ժամանակ խնդրեց նաև փոխվարչապետ Վաչե Գաբրիելյանը՝ նախապես հայցելով վարչապետի ներողամտությունը: