Ադրբեջանական բանտերում արգելված է ցանկացած կրոնական գրականություն, բացի մուսուլմանականից. Լապշին

Բլոգեր Ալեքսանդր Լապշինն իր բլոգում պատմել է, որ ադրբեջանական բանտերում արգելված է ցանկացած կրոնական գրականություն, բացի մուսուլմանականից:

Լապշինի խոսքով` երբ Ադրբեջանի նախագահ Իլհամ Ալիևի կնոջ՝ Մեհրիբան Ալիևայի անձնական ինքնաթիռը տեղափոխել է իրեն Մինսկից Բաքու, իր մոտ մի քանի գիրք է եղել, այդ թվում՝ հրեական Թորան և ուղղափառ քարոզիչ հայր Արսենիի՝ կյանքի մասին պատմվածքների ժողովածուն: Սակայն բանտի աշխատակիցները գրքերը հայտնաբերելուց հետո ցուցադրաբար գետնին են նետել երկու գիրքն էլ՝ ասելով, թե, Ալլահից բացի, այլ Աստված չկա, այնուհետև աղբամանն են գցել գրքերը:

«Սակայն Ադրբեջանում հանդուրժողականության դարաշրջան է, եթե չեմ սխալվում, եթե դուք մուսուլման չեք, ձեզ համար դժվար կլինի: Ինձնից անկախ հիշեցի Ադոլֆ Ալոիզովիչի իշխանության գալուց հետո նացիստների կողմից գրքեր այրելը»,- գրել է Լապշինը: