Խնձորեսկ գյուղ տանող ավտոճանապարհին ավտոմեքենան արգելափակվել է ձյան շերտում

Դեկտեմբերի 9-ին, ժամը 18:12-ին ահազանգ է ստացվել, որ Սյունիքի մարզի Խնձորեսկ գյուղ տանող ավտոճանապարհին ավտոմեքենան արգելափակվել է ձյան շերտում. դուրս բերելու համար անհրաժեշտ է փրկարարների օգնությունը:

Հետադարձ կապով ճշտվել, որ Սինգապուրի Հանրապետության քաղաքացի Քունյու Քուանդիլյուսը «Renault Logan» մակնիշի GG73600 պետհամարանիշով  ավտոմեքենայով Խնձորեսկ գյուղից դեպի «Ճոճվող կամուրջ» տանող ավտոճանապարհի 20-րդ կմ-ին արգելափակվել է ձյան շերտում, չի կարողանում շարունակել ընթացքը (ուղևորվում է Գորիս քաղաք՝ «Քրիստի» հյուրանոց):

Դեպքի վայր է մեկնել մեկ մարտական հաշվարկ:

Փրկարարներն ավտոմեքենան դուրս են բերել արգելափակումից և քաղաքացիներին ուղեկցել Գորիս քաղաք: