Վատառողջ քաղաքացուն Երևան տեղափոխելիս արգելափակվել են ձյան շերտում

Հունվարի 9-ին, ժամը 09.13-ին ահազանգ է ստացվել, որ Արագածոտնի մարզի Նիգավան գյուղի ավտոճանապարհին «Մերսեդես» մակնիշի ավտոմեքենան արգելափակվել է ձյան շերտում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ արգելափակված ավտոմեքենան ուղևորվում էր Նիգավան գյուղ վատառողջ քաղաքացուն Երևան տեղափոխելու նպատակով:

Փրկարարները Նիգավան-Ապարան 3-րդ կմ-ին արգելափակումից դուրս են բերել «Մերսեդես» մակնիշի  34 AD 079 պ/հ ավտոմեքենան (վարորդ Ա. Ա.) և շարունակել ընթացքը հիվանդին օգնություն ցուցաբերելու:

Փրկարարներն Ա. Ս.-ին (ծնված 1940 թ.) մոտեցրել են «Mercedes» մակնիշի ավտոմեքենային: