Ջիգարխանյանը նոր բնակարան է տեղափոխվել`Վիտալինայի տան հարևանությամբ

Հայտնի դերասան Արմեն Ջիգարխանյանը տեղափոխվել է նոր բնակարան, որը գտնվում է նախկին կնոջ՝  Վիտալինա Ցիմբալյուկ-Ռոմանովսկայայի տան մոտակայքում՝ նույն թաղամասում: Այդ մասին Комсомольская правда-ին հայտնել է նրա ընկեր Արթուր Սողոմոնյանը:

Նրա խոսքով` սկանդալային ամուսնալուծությունից հետո Ջիգարխանյանը որոշել է չհեռանալ իր սիրած Կունցևո թաղամասից:

Սողոմոնյանը նաև հայտնել է, որ նոր բնակարանը փաստացի պատկանում է դերասանին, սակայն դեռևս նրա անունով չի ձևակերպվել, քանի որ իրենք սպասում են Վիտալինայի հետ  ամուսնալուծության ավարտին: «Մենք դառը փորձ ունենք, և այժմ շատ զգույշ ենք գործում: Երբ ամեն բան ավարտվի, բնակարանը կձևակերպենք Արմեն Բորիսովիչի անունով»,- ասել է նա: