ԱՄՆ Հայ Դատի հանձնախումբը դատապարտել է Tesla ընկերության հիմնադրի այցը Թուրքիա

ԱՄՆ Հայ Դատի հանձանախումբը դատապարտել է ավտոմեքենաների համար Էլեկտրական շարժիչներ արտադրող ամերիկյան «Tesla» ընկերության հիմնադիր Էլոն Մասքի այցը Թուրքիայի Հանրապետության հիմնադիր և առաջին նախագահ Մուսթաֆա Աթաթուրքի  դամբարան:

Ինչպես տեղեկացնում է Asbarez-ը՝  Հայ Դատը դատապարտել է նաև այն, որ Մասքը համացանցում լուսանկար է հրապարակել Էրդողանի հետ:

Հիշեցնենք, որ Թուրքիա մեկնած Մասքը հանդիպել էր Ռեջեփ Թայիփ Էրդողանի հետ: Նրանք քննարկել էին «Tesla»-ի և թուրքական ընկերությունների համագործակցության հարցը: Հանդիպման ժամանակ բարձրացվել էր նաև Թուրքիայի ավտոտրանսպորտի էլեկտրաֆիկացման հարցը:

Լուսանկարների վերաբերյալ Հայ Դատը հետևյալ գրառում էր արել  Twitter-ի էջում. «Մասքը մահացած բռնապետ Աթաթուրքի հետ իր լուսանկարն էր հրապարակել: Մասքը`  կենդանի բռնապետ Էրդողանի հետ»: