Քարդաշյանը, Լեոնարդո Դի Կապրիոն և այլ հայտնիներ աջակցություն կցուցաբերեն Հայաստանի երեխաներին

«Հայաստանի մանուկներ» հիմնադրամը (COAF) Նյու Յորքում կկազմակերպի բարեգործական ամենախոշոր դրամահավաք-երեկոն:

Ըստ Horizon-ի՝ բարեգործական երեկոյին աջակցություն կցուցաբերեն հոլիվուդյան հայտնի դերասաններ Թոմ Հենքսը և Լեոնարդո Դի Կապրիոն, երգչուհի Արիանա Գրանդեն, հեռուստաաստղ Քլոե Քարդաշյանը, հաղորդավար Քոնան Օ’Բրայենը և այլ հայտնիներ:

Երեկոն կվարի հայկական ծագում ունեցող ամերիկացի դերասանուհի Անդրեա Մարտինը:

Երեկոյին իրենց մասնակցությունը կցուցաբերի մոտ 400 հյուր, այդ թվում՝ հոլիվուդյան հայտնի դերասաններ, բլոգերներ և լրագրողներ:

 Հիշեցնենք, որ նախորդ տարի Լեոնարդո Դի Կապրիոն «Հայաստանի մանուկներ» հիմնադրամին 65 հազար դոլար նվիրատվություն էր կատարել: