Թուրքիան և ԱՄՆ-ը վերսկսել են վիզաների տրամադրումը

ԱՄՆ-ը Թուրքիայում գտնվող իր դիվանագիտական ներկայացուցչություններում սկսել է վիզաներ տրամադրել Թուրքիայի քաղաքացիներին:

Հիշեցնենք, որ Ստամբուլում ԱՄՆ գլխավոր հյուպատոսարանի աշխատակից Մեթին Թոփուզի կալանավորումից հետո ԱՄՆ-ը դադարեցրել էր Թուրքիայի քաղաքացիներին մուտքի վիզաների տրամադրումը։ Թուրքական կողմն իր հերթին նմանատիպ որոշում էր կայացրել ԱՄՆ քաղաքացիների համար։

ԱՄՆ-ի՝ այդ մասին հայտարարության մեջ նշվել է, որ վիզաների տրամադրումը սահմանափակ քանակով է լինելու, նաև` որ ԱՄՆ-ը Թուրքիայից երաշխիքներ է ստացել, ըստ որի՝ դեսպանատան մնացած ամերիկացի աշխատողները չեն ձերբակալվի իրենց պարտականությունները կատարելիս: Բացի այդ՝ ԱՄՆ-ը տեղեկացրել է, որ իր աշխատակցի ազատ արձակման նպատակով կշարունակի բանակցություններ վարել Թուրքիայի հետ:

ԱՄՆ-ում Թուրքիայի դեսպանատունն իր հերթին է սկսել սահմանափակ քանակով  վիզաներ տրամադրել ամերիկացիներին: