ՊՆ-ն ցանկանում է ձմեռային զորակոչին հասցնել ներդնել «Ես եմ» ծրագիրը

Այսօր կառավարության նիստում պաշտպանության նախարար Վիգեն Սարգսյանը ներկայացրեց 2017թ. ձմեռային զորակոչը կազմակերպելու մասին` կառավարության որոշման նախագիծը, որի համաձայն` սահմանվում են պարտադիր զինվորական և այլընտրանքային ծառայությունների` 2017թ. ձմեռային զորակոչի կազմակերպման ու անցկացման ընթացքում պետական ու ՏԻՄ-երի գործողությունների հետ կապված հարցերը:

«Քանի որ կա բավական մեծ հետաքրքրություն մեր համաքաղաքացիների կողմից, ՊՆ-ն կանի ամեն ինչ, որպեսզի օրենքի ընդունման պարագայում առաջիկայում` քառօրյա նիստի ժամանակ, հասցնի ներդնել «Ես եմ» ծրագրի մեխանիզմներն ու ենթաօրենսդրական ակտերը, և ըստ ցանկության` առաջնագիծն ընտրող մեր քաղաքացիները կկարողանան օգտվել ծառայության այս նոր տեսակից»,- ասաց նախարարը: