Գյուղոլորտում Ռուսաստան մեր արտահանման աճը կազմել է մոտ 40 տոկոս. նախագահ

ԵԱՏՄ անդամ երկրի կարգավիճակում Հայաստանն առաջին հերթին հետապնդել է ԵԱՏՄ անդամ երկրների հետ ապրանքաշրջանառության ավելացման նպատակներ: Այդ մասին РИА Новости-ին տված հարցազրույցում ասել է ՀՀ նախագահ Սերժ Սարգսյանը:

Նախագահի խոսքով`անցած տարի գյուղատնտեսական ոլորտում Ռուսաստան մեր արտահանման աճը կազմել է մոտ 40 տոկոս: Սերժ Սարգսյանը նշել է, որ Հայաստանում լավ տեմպերով զարգանում է ջերմոցային տնտեսությունը, գյուղատնտեսությունը շատ զարգացած է, և  կա աճի պոտենցիալ:

«Եթե խոսենք գյուղատնտեսական ապրանքների մասին, որոնք մենք կարող ենք ուղարկել Ռուսաստան, ապա դա միրգն է, բանջարեղենը, դրանց պահածոները, պանիրը»,- հավելել է ՀՀ նախագահը: