Մոսկվայում ձերբակալված տաքսու հայ վարորդի հայրը նույնպես մեղադրվում է ուղևորներին թունավորելու մեջ

Մոսկվայի իրավապահները ձերբակալել են տաքսու վարորդ Վահագն Կարապետյանի հորը, ով նույնպես մեղադրվում է ուղևորներին թունավորելու մեջ: Այդ մասին ТАСС-ին հայտնել է իրավապահ մարմիններում աղբյուրը:

Նշվում է, որ նա նույնպես իր ուղևորներին  ջուր է առաջարկել և դրանում հոգեմետ դեղեր ավելացրել, այնուհետև կողոպտել զոհերին:

Հիշեցնենք, որ երեկ Մոսկվայում 1,5 ամսով կալանավորվել է  տաքսու հայ վարորդ Վահագն Կարապետյանը: Ըստ գործակալության աղբյուրի`խուզարկության ժամանակ նրա վարձու բնակարանում հայտնաբերվել է 20 բջջային հեռախոս, կլոզապինի 190 կոճակ և 98 ձեռքի ժամացույց: Հարուցվել է քրեական գործ: Տղամարդն ընդունել է իր մեղքը: