«Դիլիջան» ազգային պարկի Շամախյան հենակետին կցված վագոն-տնակը հրկիզելու դեպքի առթիվ քրգործ է հարուցվել

«Դիլիջան» ազգային պարկի Շամախյան հենակետին կցված վագոն-տնակը հերկիզելու դեպքի առթիվ հարուցվել է քրեական գործ՝ ՀՀ քրեական օրենսգրքի 185-րդ հոդվածի 2-րդ մասով: Այս մասին տեղեկացնում է ՀՀ գլխավոր դատախազի խորհրդական Գոռ Աբրահամյանը:

Ներկա պահին ընթանում են քննչական, ակտիվ օպերատիվ-որոնողական աշխատանքներ՝ միջադեպի հանգամանքները և հենակետի առերևույթ հրկիզման հնարավոր մասնակիցների շրջանակը պարզելու ուղղությամբ:

Ավելի վաղ հայտնել ենք, որ երեկ` ժամը 21:40-ին, ոստիկանությունում ահազանգ է ստացվել, որ ժամը 20։50-ին անհայտ անձինք մոտեցել են «Դիլիջան» ազգային պարկի Շամախյան հենակետին, վիճաբանել ծառայություն իրականացնող անձանց հետ, և այդ ընթացքում անհայտ անձը հրկիզել է հենակետին կցված վագոն-տնակը: