ՏԻՄ ընտրություններին մասնակցելուց առաջ մեզ պետք են որոշակի ուժեղացումներ. Փաշինյան

Խորհրդարանում ԱԺ ճեպազրույցների ժամանակ «Ելք» խմբակցության ղեկավար Նիկոլ Փաշինյանը նշեց, որ քննարկել են ՏԻՄ ընտրություններում իրենց մասնակցել-չմասնակցելու հարցը:

«Մենք դաշինքով քննարկել ենք այդ հարցը, լրջորեն վերլուծել խորհրդարանական ընտրությունների ժամանակ մարզերում մեր արձանագրած արդյունքները և դրանց խոր վերլուծությամբ հանգել այն եզրակացության, որ ՏԻՄ ընտրություններին մասնակցելուց առաջ մեզ պետք են որոշակի ուժեղացումներ, կադրային փոփոխություններ մարզերում, թիմերի փոխհամագործակցության որոշակի հարցեր է պետք ճշտել»,- ասաց նա:

Փաշինյանը նշեց, որ ձևավորվել է աշխատանքային խումբ, որը կզբաղվի այդ հարցերով, և իրենք հույս ունեն, որ առաջիկա ՏԻՄ ընտրություններին կարող են մասնակցել:

«Ելք» խմբակցության մեկ այլ պատգամավոր` Մանե Թանդիլյանը, նշեց, որ իրենք չէին ցանկանում օլիմպիական սկզբունքով մասնակցել: «Մենք պատրաստվում ենք մյուս ընտրություններին»,- ասաց նա: