Մենք ընդունում ենք հանրապետականի մարտահրավերը. Փաշինյան

Խորհրդարանն այսօր քվեարկեց երեկ քննարկած օրինագծերը: Բոլոր նախագծերն ընդունվեցին առանց դեմ ձայների, ինչը հարցուցեց նաև ԱԺ նախագահի զարմանքը: «Էս դեմ չկա, հա՞»,- ասաց նա օրինագծերից մեկի քվեարկությունից հետո:

Վարման կարգով ելույթ ունեցավ «Ելք» խմբակցության ղեկավար Նիկոլ Փաշինյանը: «Հանրապետական խմբակցության կողմից երեկ խորհրդարանում տեղի ունեցած միջադեպին համարժեք արձագանք չի եղել»,- ասաց նա և նշեց, որ ինքը ծանուցել է Գեղամյանի հետ եղած միջադեպի մասին՝ ընդգծելով, որ Հանրապետականի կողմից լռությունը կարող է նշանակել, որ Հայաստանի քաղաքական կյանքում նոր քաղաքական գործընթացի սկիզբ է դրվում։

«Եթե սա մարտահրավեր է «Ելք» դաշինքին և նրա ընտրողներին, արձանագրենք, որ մենք ընդունում ենք այդ մարտահրավերը», - ասաց պատգամավորը։