Բաքվում Սյուզան Ջաղինյանը Աշոտյանի եւ Թանդիլյանի ասուլիսից հետո փորձել է սադրանքների դիմել

Այսօր Բաքվում ընթացող «Եվրանեսթ» ԽՎ-ի համաժողովում ելույթով հանդես է եկել հայկական պատվիրակության ղեկավար Արմեն Աշոտյանը: Ելույթի տեքստը կտրամադրվի շուտով:

Ընդմիջման ժամանակ հայկական պատվիրակությունը նաև հանդես է եկել մամուլի ասուլիսով, որի տեսագրությունը ներկայումս տեխնիկական պատճառով հնարավոր չէ տրամադրել: Այս մասին հավելյալ տեղեկատվություն կտրամադրենք փոքր-ինչ ուշ:

Մամուլի ասուլիսից հետո լրագրող, տխրահռչակ «Խաղաղության պլատֆորմի» ներկայացուցիչ Սյուզան Ջաղինյանը փորձել է սադրանքների դիմել, ինչին համարժեք արձագանքել է հայկական կողմը: Մեր պատվիրակությունը դիմել է նաև համաժողովի կազմակերպիչներին՝ միջոցներ ձեռնարկելու հետագայում նմանատիպ սադրանքները բացառելու համար:

ՀՀ Ազգային ժողովի արտաքին հարաբերությունների մշտական հանձնաժողով