Համանախագահները մեր գեղեցիկ աչքերի համար չեն հայտարարություններ անում. Էդվարդ Նալբանդյան

Ինչպես կգնահատեք Ռուսաստանի քայլը՝ Ադրբեջանին զենք վաճառելու առումով. Հայաստան-Սփյուռք համաժողովի մասնակիցներից մեկը հարց ուղղեց ՀՀ արտաքին գործերի նախարար Էդվարդ Նալբանդյանին։ Նալբանդյանը պատասխանեց, որ Ռուսաստանը մեր դաշնակիցն է, և ՌԴ-ի հետ այս հարցն իրականում բարձրացվում է ոչ միայն հրապարակային հանդիպումներում։

Դիտարկմանը, որ Ռուսաստանի մոտեցումները վնաս են հասցնում Հայաստանին, նախարարը հակադարձեց՝ կոչ անելով ծանոթանալ նախագահ Սերժ Սարգսյանի հայտարարություններին:

«Չկա մի կոնֆլիկտ, որի լուծման վերաբերյալ Ռուսաստանը և ԱՄՆ-ն այդքան մանրամասնորեն համաձայն լինեն։ Բացի այդ՝ համանախագահները մեր գեղեցիկ աչքերի համար չեն հայտարարոթյուններ, առաջարկություններ անում: Ադրբեջանը մինչ այսօր ուղղակի ձևացնում է, թե այդպիսի հայտարարություններ գոյություն չունեն»,- ասաց Նալբանդյանը: