ԵՏՄ-ից դուրս գալու` «Ելք»-ի նախաձեռնությունը չի համապատասխանում Հայաստանի արտաքին քաղաքական շահերին. Աշոտյան

Այսօր խորհրդարանում ՀՀԿ խմբակցության պատգամավոր Արմեն Աշոտյանը նշեց, որ ԵՏՄ կազմից Հայաստանը դուրս բերելու` «Ելք» դաշինքի նախաձեռնությունը չի համապատասխանում Հայաստանի արտաքին քաղաքական և արտաքին տնտեսական շահերին: «Այդ նախաձեռնությունը չի տեղավորվում մեր արտաքին քաղաքականության գերակայությունների շրջանակներում»,- ընդգծեց նա:

Աշոտյանը հավելեց, որ այդ նախագիծը դեռ պետք է քննարկվի համապատասխան հանձնաժողովում: «Կարծում եմ, որ հենց իմ գլխավորած հանձնաժողովն է լինելու գլխադասային հանձնաժողով: Մենք այդ փաստաթուղթը դեռ չենք ստացել: Երբ ստանանք, մանրամասն քննարկման առարկա կդարձնենք»,- ասաց նա:

Նշենք, որ Ազգային ժողովի «Ելք» խմբակցությունը շրջանառության մեջ է դրել օրենքի նախագիծ, որով առաջարկում է սկսել Հայաստանը ԵՏՄ կազմից դուրս բերելու գործընթաց: