Ուկրաինան կխստացնի ռուսների մուտքը երկիր

Ուկրաինան մտադիր է խստացնել ռուսների մուտքը երկիր, այս մասին հաղորդում է «Կոմմերսանտ»-ը` հղում կատարելով Ուկրաինայի խորհրդարանի ու կառավարության իր աղբյուրներին: Ըստ այդ տեղեկությունների, Ուկրաինան մուտքի վիզա չի սահմանի Ռուսաստանի քաղաքացիների համար, սակայն կլինեն այլ խստացումներ: Ուկրաինայի սահմանը հնարավոր կլինի անցնել կենսաչափական անձնագրով, բացի այդ, անհրաժեշտ կլինի լրացնել Ուկրաինայի ԱԳ նախարարության կայքում սահմանված հատուկ էլեկտրոնային հայտը` պարտադիր նշելով անձնական տվյալները, մասնագիտությունը, աշխատանքի վայրը, մեկնման նպատակը և այլն:Նշվում է, որ մուտքի խստացումների հետ կապված որոշումները կընդունվեն մինչև սեպտեմբերի 1-ը:

Ավելի վաղ, Ուկրաինայի ԱԳՆ-ն հայտարարել էր Ռուսաստանի հետ վիզային ռեժիմ սահմանելու պատրաստակամության մասին, սակայն խորհրդարանում առարկել են, ասելով, որ նման որոշումը ավելի շատ խնդիրներ կհարուցի, քան ձեռքբերումներ: