ՀՅԴ-ական Գուրգեն Ասատուրյանի կտակի գումարով ԵՊՀ-ն 500 ուսանողի համար հանրակացարան է կառուցում

ԵՊՀ-ն 500 ուսանողի համար նախատեսված հանրակացարան է կառուցում։ Այս մասին տեղեկանում ենք «Ասպարեզ»-ից:

Հանրակացարանը լինելու է ժամանակակից, ունենալու է երկտեղանոց սենյակներ` առանձին լվացարաններով: Լինելու է մեկ մեծ ճաշարան, յուրաքանչյուր հարկում` խոհանոց:

Ուսանողների հետ տարվող աշխատանքների կենտրոնի տնօրեն Վահագն Վարագյանը տեղեկացրել է, որ ամերիկահայ բարերար Գուրգեն Ասատուրյանը ԵՊՀ-ին կտակել է 1 000.000 դոլար, որը դրված է հանրակացարանի կառուցման հիմքում, իսկ մնացած ծախսերը կատարվելու են համալսարանի բյուջեով:

Գուրգեն Ասատրյանը ՀՅԴ Վաշինգտոնի «Սեպուհ» կոմիտեության վաստակավոր անդամ էր:

Ի դեպ, հանրակացարանի շինարարական աշխատանքները նախատեսում են ավարտին հասցնել 2018-ի ամռանը: