Հանդիպումը կարող է կայանալ աշնանը. նախագահ Սարգսյանն՝ Ալիեւի հետ հանդիպման մասին

ՀՀ նախագահ Սերժ Սարգսյանը «Արմենիա» հեռուստաընկերության «Ռ-Էվոլյուցիա» հաղորդման ժամանակ անդրադառնալով Ադրբեջանի նախագահի հետ հնարավոր հանդիպմանն, ասել է, որ հանդիպման մասին նախնական պայմանավորվածություն ձեռք է բերվել մի քանի շաբաթ առաջ՝ Մինսկի խմբի համանախագահների այցի ժամանակ։ Նախագահը նշել է, որ հնարավոր է Իլհամ Ալիեւի հետ հանդիպումը կայանա աշնանը:

«Նրանք/Մինսկի խմբի համանախագահները-խմբ./ հարցրեցին մեր դիրքորոշման մասին՝ բարձր մակարդակով հանդիպում կազմակերպելու վերաբերյալ, մենք պատասխանեցինք հետևյալը. առանձնապես ակնկալիքներ չունենք այդպիսի հանդիպումներից, որովհետև այդպիսի հանդիպումները պետք է նախապատրաստվեն, իսկ նախապատրաստական աշխատանքը ենթադրում է կոնկրետ առաջարկությունների մասին դիրքորոշում, այդ աշխատանքը չկա, բայց այնուհանդերձ մենք դեմ չենք որևէ հանդիպման և մշտապես պատրաստ ենք հանդիպելու։ Ակնկալիքներս այդ հանդիպումից մեծ չեն և այդ հանդիպումը կարող է կայանալ աշնանը»,-հայտարարել է Սերժ Սարգսյանը։