Զախարովան կոչով դիմել է հայկական և ադրբեջանական կողմերին

ՌԴ ԱԳՆ պաշտոնական ներկայացուցիչ Մարիա Զախարովան ավանդական ճեպազրույցի ժամանակ անդրադարձել է արցախա-ադրբեջանական շփման գծում հուլիսի 4-ին տեղի ունեցած դեպքերին, երբ հակառակորդի հերթական սադրանքը հանգեցրեց նրա խաղաղ բնակիչների մահվան:

Զախարովան ցավակցություն է հայտնել զոհվածների ընտանիքներին և նշել, որ հետագա արյունահեղությունն անթույլատրելի է:

«Կոչ ենք անում կողմերին` ձեռնարկել բոլոր հնարավոր միջոցները իրավիճակի կայունացման համար: Աջակցում ենք ԵԱՀԿ ՄԽ համանախագահների հայտարարությանը, որում ընդգծվում է բռնության դադարեցման և բանակցությունների վերսկսման անհրաժեշտությունը»,- ասել է նա:

Զախարովան նաև հավելել է, որ Ռուսաստանը հատուկ վերահսկողության տակ է պահում այդ թեման, ամեն ինչ արվում է այն բանի համար, որ իրավիճակի սրման դեպքում կարգավորման գործընթացի վերադարձվի, և այդպես էլ անելու է հետագայում: