Վերջին 10 օրվա ընթացքում ադրբեջանական կողմն ունի առնվազն 8 զոհ. նախարար

Վերջին 10 օրվա ընթացքում, հաստատված տվյալներով, ադրբեջանական կողմն ունի առնվազն 8 զոհ. այսօր լրագրողներին հայտնեց ՀՀ պաշտպանության նախարար Վիգեն Սարգսյանը։

«Ունենք դիտարկման արդյունք, բայց չունենք ապացույց։ Այդ 8 զոհը դեռևս հուղարկավորված չեն, ու ադրբեջանական մամուլում այդ մասին դեռևս ոչ մի լուր չկա: Սա պետք է հաշվի առնել՝ հասկանալու համար, թե ինչ հակառակորդի հետ գործ ունենք»,- ասաց նա:

Վիգեն Սարգսյանի խոսքով` լայնածավալ պատերազմ չի սկսվի մի պարզ պատճառով` դրանով Արցախի խնդիրը չի լուծվի: «Հաշվի առնելով մեր հակառակորդին՝ ռազմական գործողությունների վերսկսումը կարող է բազմաթիվ դրդապատճառներ ունենալ։ Համոզված եմ` պատերազմ պետք է չսկսվի, չկա որևէ զարգացում, որով Ղարաբաղի հարցը կարող է լուծվել հօգուտ Ադրեջանի», - ասաց նա: