3 մլն դրամի չափով տնտեսումներ են եղել. Շաբոյան

ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանը շատ հակիրճ ներկայացրեց «Հայաստանի Հանրապետության 2016 թ. պետական բյուջեի կատարման մասին» հաշվետվությունում իր գլխավորած հանձնաժողովին բաժին ընկնող մասը: Նա նշեց, որ 2016 թվականի բյուջեն կազմել է 300 մլն դրամ:

«Նախորդ տարվա համեմատ` 3 մլն դրամի չափով տնտեսումներ են եղել: Ծախսերի հիմնական մասն աշխատավարձերի ֆոնդին է բաժին ընկնել»,- ասաց Շաբոյանը:

Նա ընդգծեց, որ տնտեսության բոլոր ոլորտներն իրենց ուշադրության կենտրոնում են: Հանձնաժողովի նախագահի խոսքով՝ կենտրոնացվածության բարձր աստիճան չունի սպասարկման ոլորտը: «Կան շուկաներ, որտեղ կենտրոնացվածության աստիճանը համեմատաբար բարձր է, դա վերաբերում է սննդամթերքի շուկային, այդ պատճառով այստեղ գնագոյացման հաշվարկներ անում ենք, հետևում ենք, որ այդ ոլորոտներում տնտեսվարողները չօգտվեն իրենց գերիշխող դիրքից»,- հավելեց Շաբոյանը: