11 մլրդ-ը չափազանց մեծ գումար է. Ջանջուղազյան

ԱԺ ՀՀԿ խմբակցության պատգամավոր Խոսրով Հարությունյանը ԱԺ-ում «Հայաստանի Հանրապետության 2016թ. պետական բյուջեի կատարման մասին» տարեկան հաշվետվություն ներկայացնելու ժամանակ ֆինանսների նախարարի տեղակալ Ատոմ Ջանջուղազյանից հետաքրքրվեց, թե դրամաշնորհային մասով թերակատարումը ի՞նչ ազդեցություն է ունեցել մեզ վրա:

Ջանջուղազյանը պատասխանեց, որ դրամաշնորհների արձանագրումը 63% է կազմել, և նշեց, որ խոսքը 11 մլրդ դրամի մասին է: Խոսրով Հարությունյանը արձագանքեց, թե ինչ-որ նպատակ հետապնդո՞ւմ են, դրամաշնորհները ազդելու են համախառն ներքին արդյունքի վրա: «Ճիշտ կլինի սրա մասին այս լեզվով խոսենք իրար հետ»,- ասաց պատգամավորը:

Իսկ Ջանջուղազյանը նշեց, թե խոսքը 11 միլիարդի մասին է, որը չափազանց մեծ գումար է: