Կրակոցներ՝ Գյումրիում. կա մեկ վիրավոր

Երեկ գիշեր կրակոցներ են հնչել Գյումրիում, ինչի հետևանքով մեկ անձ հրազենային վիրավորումով տեղափոխվել է հիվանդանոց:

Yerkir.am-ի տեղեկություններով՝ դեպքը տեղի է ունեցել Գյումրիում գործող «Պոնչիկ-մոնչիկ» սրճարանի դիմաց:

Ոստիկանությունից Yerkir.am-ին հայտնեցին, որ հունիսի 25–ին` ժամը 22:50–ին, Գյումրիի Սայաթ-Նովա փողոցի 7 հասցեում կրակոցներ են հնչել: Ավելի ուշ Գյումրիի ԲԿ-ից ոստիկանություն հաղորդում է ստացվել, որ որովայնի մասում ստացած վնասվածքով իրենց մոտ է տեղափոխխվել 1987-ին ծնված մի երիտասարդ: Դեպքին մասնակից անձանց շրջանակը ճշտված է, իրականացվում են որոնողական աշխատանքներ:

Դեպքի առթիվ ՀՀ քննչական կոմիտեում նյութեր են նախապատրաստվում: