Էդմոն Մարուքյանը լծվել է սև գործի, դարձել է հրեշավոր անձանց փաստաբանը. Զարուհի Փոստանջյան

Այսօր «Ազատություն» ռադիոկայանի հետ հարցազրույցի ժամանակ Երևանի ավագանում «Երկիր ծիրանի» խմբակցության ղեկավար Զարուհի Փոստանջյանն անդրադարձավ «Ելք» խմբակցության հետ համագործակցության հավանականությանը: Նա նշեց, որ «Ելք»-ի հետ համագործակցությունը հնարավոր չէ, քանի որ քվեարկություններին նրանց դիրքորոշումը միանշանակ չէր:

««Ելք»-ը մեզ համար արժանահավատ գործընկեր չէ, նրանք իրենց քվեարկություններով մեկ անգամ չէ, որ ցույց են տվել, որ իշխանության սպասարկուներն են»,- ասաց նա:

Ապա անդրադառնալով «Ելք»-ի պատգամավոր Էդմոն Մարուքյանի մեկնաբանություններին, որոնք վերաբերում էին «Սասնա Ծռեր»-ին, ասաց, որ նա փորձում է հաճոյանալ իշխանություններին:

«Էդմոն Մարուքյանը այսօր ինչու՞ է լծվել այդպիսի սև գործի, նա դարձել է հրեշավոր անձանց փաստաբանը, դա շատ արատավոր երևույթ է»,- ասաց Զարուհի Փոստանջյանը: