Պայթյուն, հրդեհ՝ Երվանդ Քոչար փողոցում. 11-ամյա երեխային հոգեբանական աջակցություն են ցուցաբերել

Հունիսի 16-ին, ժամը 09:54-ին ահազանգ է ստացվել, որ Երևան քաղաքի Երվանդ Քոչար փողոցի թիվ 17 շենքի 8-րդ հարկի բնակարաններից մեկում տեղի է ունեցել պայթյուն՝ հրդեհի բռնկումով:

Դեպքի վայր են մեկնել Ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը, երկու մարտական հաշվարկ, մեկ ավտոսանդուղք և հոգեբանական աջակցության բաժնի հրահանգիչը:

Պարզվել է, որ հրդեհը բռնկվել է Ժ. Ա.-ին պատկանող բնակարանի պատշգամբի խորդանոցում:

Հրդեհը մեկուսացվել է ժամը 10:06-ին, մարվել՝ 10:11-ին: Ամբողջությամբ այրվել է խորդանոցը և մոտ 4 խմ տնտեսական իր:

Հոգեբանական աջակցության բաժնի հրահանգիչը 2006 թ. ծնված  Ք. Գ.-ին (ԱՄՆ քաղաքացի) հոգեբանական աջակցություն է ցուցաբերել: