Ստիպողաբար ոչինչ չի եղել. Նորա Առուստամյան

«Ծառուկյան» դաշինքից ինքնաբացարկ հայտնած երեք պատգամավորների փոխարեն այսօր խորհրդարան էին եկել արդեն նոր պատգամավորները: Պատգամավորի մանդատ ստացողներից մեկը Նորա Առուստամյանն է: Նա փոխարինեց ինքնաբացարկ հայտնած Խաչիկ Մանուկյանին: Այսօր խորհրդարանում Առուստամյանը խնդրեց ինտրիգներ չփնտրել իր անվան շուրջ:

Լրագրողներից մեկի դիտարկմանը, թե խորհրդարանում է հայտնվել այն պատճառով, որ նրա հայրը մեծ գումարներ է ծախսել նախընտրական շրջանում, պատգամավորը պատասխանեց. «Ես ձեզ կրկնում եմ, եկեք ինտրիգներ չփնտրենք այնտեղ, որտեղ չկա: Կարող եք տեսնել իմ հավաքած ձայները, որի հիման վրա ես ստացել եմ ինձ հասանելիք մանդատը»: