«Ելք»-ն առաջարկում է ԱԺ մշտական հանձնաժողովների թիվը դարձնել 10

ԱԺ-ում քննարկվում է ԱԺ մշտական հանձնաժողովների ստեղծման հարցը:

«Ելք» դաշինքի պատգամավոր Էդմոն Մարուքյանը ներկայացրեց իրենց դաշինքի առաջարկը: «Առաջարկում ենք, պատգամվորների թվի կրճատումից ելնելով, ԱԺ մշտական հանձնաժողովների թիվը 12-ից դարձնել 10: Ինչպես մենք լսեցինք մյուս զեկույցից, եվրոպական ինտեգրացիայի հանձնաժողովը պահպանվում է, իսկ մարդու իրավունքների պաշտպանության մշտական հանձնաժողովը կրճատվում է: Մենք ողջունում ենք եվրոպական ինտեգրացիայի մշտական հանձնաժողովի պահպանումը և առաջարկում ենք պահպանել նաև մարդու իրավունքների պաշտպանության մշտական հանձնաժողովը»,- ասաց նա:

Մարուքյանը կոչ արեց բոլոր ֆրակցիաներին` կողմ քվեարկել իրենց նախագծի օգտին, քանի որ հակառակ դեպքում ստացվելու է, որ «Ելք» դաշինքին հանձնաժողովի նախագահի պաշտոն չեն ուզում տալ: