Տեսողության պատճառով քվեարկությանը մասնակցելու դժվարություններ ունեցող քաղաքացիների համար ԿԸՀ-ն կաղապար է մշակել

Ինչպես հայտնում են ԿԸՀ մամուլի ծառայությունից, ՀՀ կենտրոնական ընտրական հանձնաժողովը 2017 թվականի մայիսի 14-ին կայանալիք Երևանի ավագանու ընտրություններին տեսողության պատճառով քվեարկությանը մասնակցելու դժվարություններ ունեցող քաղաքացիների համար մշակել է բրայլյան գրատեսակով և խոշոր տառաչափով ձեռնարկներ, ինչպես նաև քվեաթերթիկի հատուկ կաղապար:

Ինչպես տեղեկացնում են ԿԸՀ լրատվության և հասարակայնության հետ կապերի վարչությունից, ՀՀ կենտրոնական ընտրական հանձնաժողովը ձեռնարկները հասցեատերերին է հանձնելու«Հայաստանի կույրերի միավորում» հասարակական կազմակերպության միջոցով:

Միջոցառումը տեղի կունենա ս.թ. մայիսի 10-ին` ժամը 11.00-ին, «Հայաստանի կույրերի միավորում» հասարակական կազմակերպության գրասենյակում (ք.Երևան, Իսահակյան 18):