ԵԽԽՎ-ում պահանջում են Պեդրո Ագրամունտի հրաժարականը

Եվրոպայի խորհրդի Խորհրդարանական վեհաժողովում պահանջում են ԵԽԽՎ նախագահ Պեդրո Ագրամունտի հրաժարականը. հայտնում է Униан-ը: Նման հայտարարությամբ այսօր նիստի ժամանակ հանդես է եկել իտալացի պատգամավոր Միկելե Նիկոլետին: Ելույթից հետո մի շարք պատգամավորներ ոտքի են կանգնել և ծափահարություններով աջակցել հայտարարությանը:

Հաղորդվում է, որ  պատճառը Ագրամունտի` Սիրիա կատարած այցն է: Նա մարտին Սիրիա էր այցելել է ռուս պատգամավորների պատվիրակության հետ: Ընդ որում` ԵԽԽվ-ում ռուսական պատվիրակության նկատմամբ պատժամիջոցներ են գործում Ղրիմի «անեքսիայի» պատճառով: ԵԽԽՎ մի շարք պատվիրակությունների, այդ թվում` ուկրաինական պատվիրակությանը վրդովեցրել է այդ այցը: