Ֆեթուլլահ Գյուլենը պատրաստվում է փախչել Կանադա. Թուրքիայի արդարադատության նախարար

Թուրքիայի արդարադատության նախարար Բեքեիր Բոզդաղը պնդել է, որ Թուրքիայում հուլիսի 15-ի ռազմական հեղաշրջման փորձն իրականացնելու մեջ մեղադրվող՝ Էրդողանի գլխավոր ընդդիմադիր, ամերիկաբնակ Ֆեթուլլահ Գյուլենը պատրաստվում է փախչել Կանադա:

Ըստ CNNTurk-ի՝ Բոզդաղի խոսքով՝ այս մասին հայտնի է դարձել Թուրքիայի հետախուզական ծառայության կողմից կառավարությանը ներկայացրած վերջին զեկույցից:

Համաձայն թուրքական ԶԼՄ-ների՝  Կանադա տեղափոխվելու նպատակով Գյուլենն իր մարդկանց պատվիրել է հնարավորինս արագ վաճառել Փենսիլվանիայում գտնվող իր կալվածքները:

Զեկույցում տեղ են գտել նաև մանրամասներ ձախողված հեղաշրջման մասին, համաձայն որի, գյուլանական շարժման ձերբակալված ղեկավարների ընտանիքներին ամսական 500-2000 լիրա  է տրամադրվել:

Նշենք, որ Թուրքիան երկար ժամանակ է՝ նամակների և առանձին հանդիպումների միջոցով փորձում է իրականացնել ԱՄՆ-ից Գյուլենի վերադարձը: