Սամվել Բաբայանին ես չեմ ճանաչում. Տարոն Մարգարյան (տեսանյութ)

Երեւանի քաղաքապետ, Հանրապետական կուսակցության Երեւան քաղաքի տարածքային կազմակերպության ղեկավար Տարոն Մարգարյանը չի ճանաչում Արցախի հերոս, ԼՂՀ պաշտպանության բանակի նախկին հրամանատար Սամվել Բաբայանին, որին երեկ ձերբակալել է ՀՀ ԱԱԾ-ն: Այս մասին Տարոն Մարգարյանն ասաց Երեւանի Շենգավիթ վարչական շրջանում ՀՀԿ-ի քարոզարշավից հետո՝ պատասխանելով armtimes.com-ի հարցին:

«Ես իրեն չեմ ճանաչում, ո՛չ անձնապես եմ ճանաչում, ո՛չ խորապես ծանոթ եմ նրա գործունեությանը»,- ասաց Երեւանի քաղաքապետը: Հարցին՝ որպես Արցախի հերոս էլ չե՞ք ճանաչում, նա պատասխանեց. «Արցախի հերոսներ մենք շատ ունենք, շատերին, ովքեր կենդանի են, անձամբ շփվում եմ եւ ընկերություն եմ անում»:

Առավել մանրամասն՝ տեսանյութում:

Սկզբնաղբյուր՝ Armtimes.com: