Երթ՝ նվիրված «Հաց բերող»-ի հիշատակին

Այժմ Ազատության հրապարակում շարունակվում է «Հաց բերող»-ի հիշատակին նվիրված երթը: Մասնակիցները կոչ են անում բոորին վաղը ժամը 18:00-ին միանալ իրենց:

Այնուհետև երթի մասնակիցները շարժվեցին դեպի Արդարադատության նախարարություն: «Ոստիկանությանը կոչ եմ անում՝ մեր կռիվը ձեր դեմ չի, բայց նենց չանեք, որ ձեր դեմ կռիվ ունենանք»,- ասաց երթի մասնակից Շահեն Հարությունյանը։ Երթի մասնակիցները իրենց հետ Արդարադատության նախարարություն «սև ժապավենով հաց» են  բերել:

Երևանի փոխոստիկանապետը հորդորեց իրավիճակը բախման չվերածել: Այս ընթացքում հավաքի մասնակիցները շարունակում են վանկարկել՝ «Արթուր, Արթուր»: Երթի մասնակիցներից մեկն էլ ասաց, որ եթե իրենց թույլ չտան նախարարությանը մոտենալ ու «հացը հանձնել», ապա կլինի իսկապես բախում: