ՌԴ-ն և ՀՀ-ն կարող են անցնել ազգային արժույթներով փոխհաշվարկների. Պուտին

ՌԴ  նախագահ Վլադիմիր Պուտինը Սերժ Սարգսյանի հետ բանակցությունների արդյունքներով մամուլի ասուլիսի ժամանակ չի բացառել, որ ՌԴ-ն և ՀՀ-ն կարող են անցնել ազգային արժույթներով փոխհաշվարկների:

«Առևտրի հետագա ընդլայնման և դիվերսիֆիկացման նպատակով այժմ ուսումնասիրվում է ազգային արժույթներով փոխհաշվարկների հնարավորությունը»,- ասել է նա լրագրողներին:

 Վլադիմիր Պուտինը նաև հաջողություն է մաղթել Հայաստանին խորհրդարանական ընտրությունների անցկացման հարցում: Նա նշել է, որ Հայաստանի իշխանությունները մեծ ջանքեր են գործադրում, որպեսզի նախընտրական արշավը, քվեարկության ընթացքը տեղի ունենան ազատ և ժողովրդավարության հիման վրա: