Արագածոտնում մի կին փորձեց համբուրել Ծառուկյանի ոտքերը

«Ծառուկյան» դաշինքի ղեկավար Գագիկ Ծառուկյանը նախընտրական քարոզարշավի շրջանակներում հանդիպումներ է ունենում Արագածոտնի մարզի բնակիչների հետ: Նշենք, որ  մինչ ելույթի համար նախատեսված ամբիոնին մոտենալը Ծառուկյանին են մոտենում բնակիչները ու ողջագուրվում նրա հետ:

Ծառուկյանի՝ ապարանյան ջերմ ընդունելությանն ու ճանապարհման արարողությանը հաջորդեց Աշտարակ քաղաքի բնակիչների հետ ջերմ ընդունելության՝ արդեն արարողակարգի վերածված գործընթացը: Ի դեպ, այստեղ տեղի ունեցավ հետաքրքիր միջադեպ. մի կին մոտեցավ Ծառուկյանին և կռացավ նրա առջև՝ փորձելով համբուրել նրա ոտքերը: Ծառուկյանն ինքն էլ անմիջապես կռացավ ու թույլ չտվեց, որ կինը դա անի: