ԱԺ ընտրություններին կարգ ու կանոն հաստատելու նպատակով ոստիկանությունում ստեղծված օպերատիվ շտաբը նիստ է գումարել

Մարտի 7-ին տեղի է ունեցել Ազգային ժողովի ընտրությունների ընթացքում պատշաճ կարգ ու կանոն հաստատելու, ընտրությունների բնականոն ընթացքն ապահովելու նպատակով ոստիկանությունում ստեղծված օպերատիվ շտաբի հերթական նիստը, որը վարել է օպերատիվ շտաբի պետ, ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը: 

Այս մասին հայտնում են ՀՀ ոստիկանության լրատվական ծառայությունից։ 

Նիստի ընթացքում քննարկվել են ընտրությունների շրջանում ոստիկանական գործառույթների առաջնահերթությունները, մանրամասնվեցին ծառայությունների խնդիրները, ուշադրություն է հրավիրվել հնարավոր իրավախախտումների դրսևորումների վրա: 

Օպերատիվ շտաբի աշխատանքային խմբերի ղեկավարների հաշվետվությունների քննարկումից հետո ընդունվել են համապատասխան որոշումներ:

Նիստի ավարտին Հունան Պողոսյանն ըստ ոլորտների տվել է կոնկրետ հանձնարարականներ: