Ապրիլյան օրերին անորակ դիզվառելիքի մասին վարչապետի սենսացիոն հայտարարությունը Սեյրան Օհանյանը «կենցաղային հարց» որակեց

Օրերս կառավարության նիստի ժամանակ վարչապետ Կարեն Կարապետյանը սենսացիոն հայտարարություն էր արել, նշելով, որ անորակ դիզվառելիքի պատճառով է նաեւ եղել, որ ապրիլյան օրերին տեխնիկան չի աշխատել:

Այսօր Եռաբլուրում լրագրողները Պաշտպանության այդ ժամանակվա նախարար Սեյրան Օհանյանից հետաքրքրվեցին, թե ինչպես կմեկնաբանի վարչապետի հայտարարությունը: Ուշագրավ է, որ Օհանյանի հայտարարությունը պակաս ուշագրավ չէր: «Խորհուրդ կտայի այսպիսի օրերին կենցաղային հարցերով չզբաղվել: Եթե ուզում են կարգ ու կանոն հաստատել, թող զբաղվեն դրանով»,-հայտարարեց Սեյրան Օհանյանը եւ նշեց, որ իր դեմ ուղղված քայլ չի համարում վարչապետի հայտարարությունը: