Հանձնարարական ԴԱՀԿ վերաբերյալ` քաղաքացիների դժգոհության հետքերով

Այսօր կառավարության նիստը սկսվեց ավանդական դարձած հանձնարարականներով: Առաջին հանձնարարականը վերաբերում էր ԴԱՀկ ծառայությանը: Վարչապետ Կարեն Կարապետյանը նշեց, որ քաղաքացիների կողմից հաճախ իրավացիորեն բարձրաձայնվում է դատական ակտերի հարկադիր կատարման ծառայության կողմից դրամական միջոցների վրա պարտավորության չափի անհամաչափ արգելանք դնելու խնդիրը, այն պարագայում, երբ մարդկանց մոտ առկա է լինում շարժական կամ անշարժ գույք, որի արժեքը համաչափ է լինում պարտավորությանը կամ հակառակը: Ստեղծված իրավիճակը հիմնականում պայմանավորված է լինում օրենսդրական մակարդակում առկա խոչընդոտներով:

Արդարադատության նախարարին հանձնարարվեց մեկամսյա ժամկետում կառավարության աշխատակազմ ներկայացնել առաջարկություն ԴԱՀԿ-ի կողմից ֆիզիկական և իրավաբանական անձանց դրամական միջոցների վրա առավել համաչափ արգելանք դնելու և այդ ոլորտում առկա օրենսդրական խոչընդոտները վերացնելու մասին: