Թուրքիան Հարավային Կովկասում չափազանց ապակառուցողական քաղաքականություն է վարում. Վիգեն Սարգսյան

Թուրքիան Հարավային Կովկասում չափազանց ապակառուցողական քաղաքականություն է վարում, որն ուղղված է տարածաշրջանի շահերի դեմ. РИА Новости-ի հետ հարցազրույցում նշել է ՀՀ պաշտպանության նախարար Վիգեն Սարգսյանը:

«Թուրքիան Հարավային Կովկասում չափազանց ապակառուցողական է իրեն պահում` շարունակում է Հայաստանի շրջափակումը, շարունակում է հերքել Օսմանյան կայսրությունում հայերի ցեղասպանության փաստը, հետքայլ է արել միջազգային մակարդակով ստանձնած իր պարտականություններից` 2010-ին Ցյուրիխում ստորագրված արձանագրությունների ձևով` նորմալացնել հարաբերությունները Հայաստանի հետ: Նաև Ղարաբաղյան հակամարտության նկատմամբ իր կողմնակալ վերաբերմունքով Թուրքիան շարունակում է արդյունավետ կերպով մեկուսացնել իրեն տարածաշրջանային գործընթացներից»,- ասել է նախարարը: