Ինչու ԲՀԿ-ն չի հրապարակում իր ցուցակները. պարզաբանում է խոսնակը

«Ծառուկյան» դաշինքի  համամասնական և ռեյտինգային ամբողջական ցուցակները հանրության համար հասանելի կլինեն փետրվարի 26-ին, երբ  այդ ցուցակները ԿԸՀ-ն կհրապարակի. Yerkir.am-ին հայտնեց Գագիկ Ծառուկյանի մամուլի խոսնակ, նաև «Ծառուկյան» դաշինքի 8-րդ տեղում գտնվող Իվետա Տոնոյանը: Նա նշեց, որ որևէ  գաղտնիություն չկա,  պարզապես այդպես է նպատակահարմար գտնվել, որ մինչ այժմ, ի տարբերություն այլ  քաղաքական ուժերի, հրապարակված չեն «Ծառուկյան» դաշինքի ամբողջական համամասնական և ռեյտինգային ցուցակները:

«Օրենքով  սահմանված կարգով, երբ ԿԸՀ-ն կհրապարակի, այդ ժամանակ էլ ցուցակները հասանելի կլինեն բոլորին: Խոսքը վերաբերում է համամասնական և ռեյտինգային ցուցակներին: Որևէ գաղտնիություն կամ միտում, կամ, ինչպես փորձ է արվում ներկայացնել, անակնկալներ չեն սպասվում»,- ասաց Տոնոյանը: