1539 քաղաքացի ցանկանում է պատգամավոր դառնալ

Հայաստանի Ազգային ժողովի ընտրությունները տեղի կունենան ապրիլի 2-ին, քարոզարշավը կմեկնարկի մարտի 5-ից. այսօր լրագրողների հետ  զրույցում հայտնեց ԿԸՀ  նախագահ Տիգրան Մուկուչյանը:

Խորհրդարանական ընտրություններին մասնակցության հայտով երեկ ԿԸՀ է ներկայացել  9-ը քաղաքական ուժ` 4 դաշինք եւ 5 կուսակցություն: Ընդհանուր թվով ՀՀ  1539 քաղաքացի  ցանկանում է դառնալ պատգամավոր:

Ապրիլի 2-ին կայանալիք  խորհրդարանական ընտրություններին տարածքային ցուցակով մասնակցող ամենաշատ թեկնածուներն առաջադրվել  են  Կոտայքի մարզում`  110 քաղաքացի: Ամենաքիչ թեկնածուներն առաջադրվել են  Արարատի եւ Տավուշի մարզերում` յուրաքանչյուրում 60 թեկնածու: