Ցուկերբերգը մտադիր է վերափոխել աշխարհը

Մարկ Ցուկերբերգը մտադիր է վերափոխել աշխարհը և սոցիալական ենթակառուցվածքի զարգացմամբ լուծել մի շարք կարևոր հիմնախնդիրներ` «Ֆեյսբուք»-ի հիման վրա համաշխարհային հանրություն ձևավորելու համար:

Այս գիշեր նա «Համաշխարհային հանրության շինարարության մասին» ծրագրային ուղերձով է հանդես եկել` ուղղված օգտատերերին: Այն, ի դեպ, անսպասելի է եղել թե' օգտատերերի, թե' ոլորտի փորձագետների համար: Վերջին շրջանում սոցցանցը քննադատվում էր որպես հարթակ, որտեղ թյուրիմացության մեջ գցող նորություններ են տարածվում:

Վերլուծաբանների կարծիքով` Ցուկերբերգը փոխում է «Ֆեյսբուք»-ի ռազմավարությունը և ընկերության դիրքորոշումը. այն մարդկանց միավորող պասիվ գործիք էր, այժմ ցանցի դերը կարող է մեծանալ:

Ցուկերբերգի ուղերձը հիմնված է 5 թեմայի վրա` հանրության շրջանակում օգնության հասնելու պատրաստակամություն, անվտանգություն, տեղեկացվածություն, քաղաքացիական ակտիվություն և բոլորի մասնակցության ու զարգացման հնարավորություն: